Մենք  կարծում  ենք,  որ  Արցախի  հիմնախնդիրը  զուտ  արտաքին  հարաբերությունների  խնդիր  է:  Որովհետեւ  Հայկական  պետությունում  այդպիսի  խնդիր  գոյություն  չունի:  Արցախի  հարցը  պետք  է  դիտել  Հայկական  հարցի  ենթատեքստում: Արցախի  ժողովուրդը  մշտապես  ապրել  է    Արցախում,  որը  պատմական   Հայաստանի  բաղկացուցիչ  մասն  է:  Այստեղ  ներքին  որեւէ  խնդիր  չկա:   Արտաքին  հարաբերություններում,  կամ  հարցի  իրավական  տեսանկյունում  որոշիչ  է  Հայ  Ազգի  կարծիքը,  որի  բաղկացուցիչ  մասն  է  Արցախի  բնակչությունը:

Մենք  ելնում  ենք  հետեւյալ  սկզբունքներից.

1. Խորհրդային  Միության  կոմկուսի սահմանած ներքին  վարչական  սահմանները  չենք  համարում  որպես  իրավական  հիմք

2. Արցախի  ինքնորոշումը  եւ  անկախ  պետության  ստեղծումն  արդեն  փոխզիջում  է

3. Այսօրվա  դե  ֆակտո  վիճակը՝  Արցախը  Հայաստան  է,  եւ  Արցախի կարգավիճակի  խնդիրը  Հայկական  պետության  կերտման  ներքին  խնդիրներից  մեկն  է;

Պետությունը  պետք  է  առաջնորդվի  Ազգային  գաղափարախոսությամբ  եւ  դրանից  բխող  Ազգային  պետական  շահը  գերակայող  սկզբունքներով:  Մենք, տեղյակ  չլինելով  բանակցությունների  մանրամասներին, կոչ  ենք  անում  Հայաստանի  կառավարությանը  քաղաքական  գործունեության  մեջ  որդեգրել  Հայակենտրոն  քաղաքականություն,  բանակցությունների  ընթացքում  հաշվի  առնել  Ազգային  պետական  գերակա  շահը  վերը  նշված  սկզբունքների  սահմաններում:

ՆՑԿ  ԽՈՐՀՈՒՐԴ