Վերջերս  ԶԼՄ-ներում շրջանառվող  նյութ  էր  դարձել  Միջին  Ասիայից  200  համշենահայ  ընտանիքների  Հայաստանի  Հանրապետություն,  մասնավորապես՝  Արցախում  վերաբնակվելու  ցանկության  հարցը:  Ինչը,  սակայն,  զարմանալիորեն  բացասական  տրամադրություններ  է  առաջացրել  որոշ  կազմակերպությունների  ու  մտավորականների  մեջ;  Նժդեհյան  Ցեղակրոն  Կուսակցությունը  ելնելով  իր  գաղափարախոսությունից  եւ  ծրագրերից  չափազանց  վտանգավոր  է  համարում  նման  տրամադրությունների  գոյությունը  եւ  նմանատիպ  բացասական  տեսակետների  տարածումը:  Այս  կապակցությամբ  Նժդեհյան  Ցեղակրոն  Կուսակցությունը    հայտարարում  է. 

1.      Հայաստանը որեւէ կրոնական  համայնքի  ապրելավայր  չէ,  այլ  ողջ  աշխարհասփյուռ  հայության  Հայրենիքն  է:

2.      Կուսակցությունը  ողջյունում  է  համշենահայերի  այս  նախաձեռնությունը  եւ  մնացած  այլ  նախաձեռնությունները,  որոնց  կարգախոսն  է  «դարձ  դեպի  Հայրենիք»:

3.      Կուսակցությունը  վտանգավոր  է  համարում  այն  տեսակետները,  հայտարարություններն  ու  նախաձեռնությունները  որոնք  սեպ  են  խրում  հայության  տարբեր  մասերի  միջեւ:  Մեզ  համար  չկան  եւ  չեն  կարող  լինել  որեւէ  տարբերակումներ  հայության  մեջ,  լինեն  դրանք  կրոնական  թե  քաղաքական:

4.      Ազգն  ու  Հայրենիքն  են  մեր  աստվածությունները,  իսկ  ազգասիրությունն  ու  հայրենասիրությունը՝  կրոն:

ՆՑԿ  ԽՈՐՀՈՒՐԴ