Այսօր մամուլը ողողված է իշխաղ կոալիցիայի փլուզումը կանխատեսող վերլուծություններով ու մեկնաբանություններով, բայց նաև նշվում է խորհրդարանական ընտրություններից առաջ ՀՀԿ–ի գլխավորությամբ ավելի  լայն կոալիցիա ստեղծելու մասին։

«7օր»–ը «Նժդեհյան ցեղակրոն» կուսակցության ղեկավարԳևորգ Հովսեփյանից (ի դեպ, վերջերս նա հայտարարել էր, թե կուսակցությունը մտադիր է մասնակցել խորհրդարանական ընտրություններին) փորձել է ճշտել, թե հնարավո՞ր է, որ իրենք ևս միանան Սերժ  Սագսյանին և ընդլայնված  կոալիցիա կազմեն։

Մեզ հետ զրույցում նա նշել է, թե նման առաջարկ իրենք դեռ չեն ստացել։

–Չեմ կարծում, թե նման առաջարկ մեզ լինի, բայց եթե նման բան լինի, ապա ասեմ, որ  նման խնդիրները մեզ մոտ  լուծվում են համագումարով։ Եթե խորհուրդն այդ հարցը դնի քննարկման, և համագումարը որոշում կայացնի, ապա նոր կարող ենք դրա մասին խոսել։ Չգիտեմ, կմտածենք,–ասել է Գևորգ Հովսեփյանը։

Հարցին, թե արդյոք դա նշանակո՞ւմ է, թե չի բացառվում, որ ՀՀԿ–ի հետ կոալիցիա կազմեն,  նա պատասխանել է.

–Ճիշտն ասած՝ չեմ կարծում, թե նման բան կարող է լինել։

7or.am